L'amour qu'on ne voit s'éloigne : A vo cousin je manday (...) Que point ceans ne venist (...) ; Si pourra prochainement Y venir - mais bonnement Croy qu'il vault mieulx qu'il s'en tiengne, S'il pense a moy, et n'y viengne, Car sicom chacun tesmoigne, L'amour que on ne voit s'eslongne. (CHR. PIZ., Duc vrais amans F., a.1405, 132).

Rem. Hassell 38, A118 ; cf.. le prov. toujours actuel : Loin des yeux, loin du coeur.

C'est folie de mettre le feu à sa maison pour brûler celle de son voisin : ...ilz sont aucuns qui dient qu'ilz servent leurs dames quant ilz font beaucoup de choses, soit en armes ou en autres fais. Mais je dy que ilz servent eulx mesmes quant l'onneur et le preu leur en demeure et non mie a la dame ! Encore, ma dame, se vous ou autre vous voulez excuser en disant : " Je ay diverse partie qui pou de loyauté et de plaisir me fait ; pour ce puis, sans mesprendre, avoir plaisir en aucun autre pour oublier merencolie et passer le temps" - mais certes, telle excusacion, sauve vostre bonne reverence et de toutes autres qui ce dient, ne vault riens, car trop fait grant folie cil qui met le feu en sa maison pour ardoir celle de son voisin. (CHR. PIZ., Duc vrais amans F., a.1405, 176).

Pas de feu sans fumée (mais fumée est souvent sans feu) : Et quant a dire, "Ce ne sera mie mal, puis que fait de pechié n'y sera", helas, ma dame ! ne soit nul ne nulle si asseuree de soy qu'elle se rendecertaine, quelque bon propos que elle ait, de garder tousjours mesure en sifaicte amour et qu'il ne soit sceu. Comme j'ay ci devant dit : certes, c'est chose impossible, car feu n'est point sanz fumee, mais fumee est souvent sans feu. (CHR. PIZ., Duc vrais amans F., a.1405, 176). Et quant a dire ce ne sera mie mal puisque le fait de pechié n'y sera, helas ! Madame, ne soit nul ne nulle nul[le] si asseure de soy qu'elle se rende certaine de soy, quelque bon propos qu'elle ait de garder tousjours mesure en si faicte amour. Et qu'il ne soit sceu, comme j'ay devant dit, certes c'est chose impossible : car feu n'est point sans fumee, mais fumee est souvent sans feu. (CHR. PIZ., Trois vertus W.H., c.1405, 115). Onquez feu ne fut sans fumee, Ne doloreus cueur sans pensee, Ne reconfort sans esperance, Ne joyeus regart sans plaisance, Ne beau soleil qu'aprez nuee. (CH. D'ORLÉANS, Rond. C., 1443-1460, 309). Et cy commenceray la fin de ce compte, priant, requerant et suppliant a toutes dames et damoiselles, bourgoises et autres, de quelque estat que soient, que toutes prenent exemple a ceste si tres noble dame oiseuse qui par druerie se perdist, et veullent bien penser au dit commun qui dist: Onques ne fut feu sans fumee, tant fust il en terre parfont. (LA SALE, J.S., 1456, 307).

Rem. Morawski 745 : Feu ne fut oncques sans fumee, 1405 : Nul feu est sens fumee ne fumee sens feu ; Hassell 113, F69 ; DI STEF. 343b, feu.